11月7日（星期五），我哋高班小朋友出發喇！一齊向住屬校「可觀自然教育中心暨天文館」進發
。中心嘅老師帶我哋認識咗館裏面嘅「巨型電腦望遠鏡」，小朋友一個個輪流做咗天文館控制員，嘗試操作巨型電腦望遠鏡，真係大開眼界呀！
之後我哋仲一齊破解「光影密碼」，透過好多好玩小實驗
，睇到光同影點樣捉迷藏
，最刺激係近距離見識咗各種小昆蟲
，仲用顯微鏡偷睇昆蟲BB嘅生活
，原來佢哋個世界係咁得意㗎！
今次旅程又好玩又學到嘢
，真係好多謝中心嘅孫老師同朱老師悉心安排
。小朋友返到學校都仲不停講緊「望遠鏡好大呀」、「原來有啲昆蟲有好多隻眼睛架」
！快啲睇影片重溫我哋開心嘅一刻啦！
2025 年 11 月 7 日
